Drie van Framesby se tennisafrigters het die afgelope naweek die Oos-Kaap verteenwoordig in die Nasionale Klubkampioenskappe in Sun City. Die toernooi is deur American Express geborg. Na ‘n
naelbytfinaal was dit die laaste stel wat gemaak het dat hulle die kampioenskappe gewen het. Dit is die eerste keer in geskiedenis dat ’n Oos-Kaapspan die nasionale beker wen.

Hierdie afgelope naweek het drie van Framesby se tennisafrigters, Danie van Zyl, Kianu Jonker en Leila Nel, hul klub in 'n toernooi genaamd die Oos-Kaap Amex American Express verteenwoordig.
Hulle het 'n oorwinning in die kwarteindronde, halfeindronde en eindronde behaal en daarin geslaag om die titel van die beste tennisklub in die Oos-Kaap te verower.
Hulle sal die Oos-Kaap van 29 Augustus tot 1 September in Sun City verteenwoordig, waar hulle teen die wenners van al die provinsies sal meeding.

Tennisuitslae vir Tjaart Vorster (21 Februarie-25 Februarie)
Die top 7 seuns en -dogters het die afgelope naweek na Cradock vir die Tjaart Vorster
Tennistoernooi gereis. Beide spanne het hulle bes gegee t.s.v. die hitte.
Die seuns se uitslae is as volg:
Verloor teen Oakdale (hulle was die wenners van die toernooi)
Wen teen Marlow B
Wen teen Volkskool
Verloor teen Marlow A
Verloor teen Sentraal
Die seuns eindig 6de uit 15 skole
Die meisies se uitslae is as volg:
Verloor teen Stirling
Verloor teen Oranje A
Verloor teen Outeniqua
Verloor teen Oranje B
Meisies eindig 10de
Ons is baie trots op Chrisstian Viljoen. Hy is die enigste seuns speler wat al sy enkelswedstryde
gewen het. Dit is regtig ‘n besondere prestasie.
Hy is dan ook genomineer deur die ander skole se afrigters vir die Tjaart Vorster-toekenning.

FRAMESBY KRAAI KONING!
Die top 5 seuns en dogterstennisspan het die afgelope naweek na Middelburg gereis om aan die Wasserman-Tennistoernooi deel te neem. Dit was ‘n besonderse goeie naweek vir ons spelers.
Framesby wen Middelburg 34-30
Framesby wen Brandwag 42-22
Framesby wen Volkskool 37-27
Framesby wen De Aar 39-25
Framesby wen Burgersdorp 34-30
Framesby wen dus die toernooi.
Geluk aan elke speler wat bygedra het tot hierdie oorwinning.
Twee van ons spelers ontvang ook individuele toekennings.
Chrisstian Viljoen kry die toekenning vir speler van die toernooi. Eben Peens ontvang die toekenning vir “Just do it”. Die toekenning is vir ‘n speler wat aanhou tot op die einde van die wedstryd.