SNEEUWITJIE VAN WINTERVILLE 2023
PUIK PRODUKSIE LAAT GQEBERHA REGOP SIT
 
 
Wat ‘n voorreg om met soveel pragtige, talentvolle en toegewyde kinders en onderwysers te kon werk. Teater gee geleenthede wat lewenslange vriendskappe en herinneringe bou en ons wens is dat dit ‘n absolute hoogtepunt in hulle skoolloopbaan sal wees.
Hierdie lekker Afrikaanse produksie was net moontlik met ‘n groot spanpoging. Dankie vir elkeen wat ondersteun, aangemoedig, aangery, gebou, geverf, toneelgespeel, gesing, gedans, agter die gordyne gewerk of op een of ander manier bygedra het tot hierdie produksie. Ons het soveel talentvolle en kreatiewe mense in die Framesby-familie. Ons hoop dat elkeen wat kom kyk het, huis toe gegaan het met ‘n stukkie plesierigheid in die hart en ‘n glimlag om die mond. Onthou: moenie te veel in die spieël kyk nie, kyk liewer in mekaar se oë … en harte.