Zanje Hurter is vir die O/16 OP Rots- en Strand Hengelspan gekies. Hulle het in Januarie in Oos-London aan die Nasionale Kampioenskappe deelgeneem. Zanje is na drie jaar in die OP-span tweede op die ranglys. Sy is ook die enigste meisie wat in die span is en hengel dus teen seuns. Tydens die Nasionale Kampioenskappe het sy ‘n 17de plek in die land behaal.

Gedurende Maart is die Nasionale Kampioenskappe in die Oostelike Provinsie gehou. Zanje is deur die Westelike Provinsie gekies om aan die senior-vroue-afdeling deel te neem. Nie net was sy die jongste deelnemer nie, maar ook die enigste junior wat op senior vlak deelgeneem het. Tydens die kompetisie behaal sy ’n algehele 15de plek.

In die jaar se interprovinsiale klub kompetisies het sy twee eerste plekke in die junior afdeling behaal asook ‘n tweede en eerste plek in die senior-vroue-afdeling. Sy eindig die seisoen met ‘n algehele vierde plek vir die senior vroue en ‘n algehele derde plek vir die 0/16 juniors. Baie geluk Zanje!!