Mnr. Marius Germishuys, tans Adjunkhoof by die Hoërskool Ben Viljoen in Groblersdal, is pas aangestel as Framesby se nuwe Skoolhoof.
 
Mnr. Germishuys kom oorspronklik van Graafwater in die Wes-Kaap en het sy onderwysloopbaan aan die die Hoërskool De Vos Malan in King Williamstown begin.  Sy onderwyspad het deur Springbok en Kathu geloop tot by Ben Viljoen.  Hy sal op 1 April 2019 as Skoolhoof hier by ons begin.
 
Ons sien met groot afwagting uit na ‘n opwindende nuwe era in Framesby se geskiedenis onder mnr. Germishuys se leiding.  Welkom in die Framesby-familie!