FOTOJAARBLAD 2020
Soos ons almal teen die tyd al weet was 2020 ‘n interessante jaar. ’n Jaar van aanpas met die tye. Dit is dus vanselfsprekend dat ons jaarblad van 2020 anders sal lyk. Ons moes individuele foto’s neem i.p.v. klasfoto’s en mnr. Rauch het goed gedink om ‘n gedenkblad van die afgelope 50 jaar te maak. Die gedenkblad bestaan uit foto’s van ou jaarblaaie, plakboeke en koerantberigte. Dit bevat onder andere boodskappe van oud-hoofde, ons eerste hoofleiers en
baie foto’s uit die argiewe. Dis beslis ‘n versamelstuk vir trotse oudskoliere.
As alles goed verloop, sal ons volgende week ons eerste stel jaarblaaie ontvang. Die matriekklas van 2020 sal voorkeur kry en daarna die res van die leerders. Ons het besluit om die jaarblad ook
vir oudskoliere wat dalk ‘n jaarblad wil koop beskikbaar te stel. Verdere besonderhede sal binnekort bekend gemaak word.