Hoërskool Framesby se Kampioen Fietsryer Mischka Strydom het die afgelope vakansie weereens geskitter in die fietsry kompetisies waaraan sy deelgeneem het. Haar prestasies was so uitstekend dat sy weereens Springbok-kleure in fietsry verwerf het.

Tydens die 2018 SA Nasionale Fietsry Kampionskappe by die Bellville Velodrome het sy 2 goue medaljes, 4 silwer medaljes en 2 brons medaljes verwerf. Weens haar optrede en prestasies is sy ingesluit in die Junior Vroue Springbokspan wat Suid-Afrika van 5-19 Januarie by die Afrika Kontinentale Baan Fietsry Kampioenskappe in Pietermaritzburg sal verteenwoordig. Hoërskool Framesby en Mischka se ouers is verskriklik trots op haar wat op so ‘n jong ouderdom al gekies word om haar land te verteenwoordig en nog ‘n springbok vir Framesby op te lewer.